Ghazal Professor Iqbal Azeem

                                                  غزل                                                               

========
پروفیسر  اقبال عظیم
----------------------------

غلط معانی  دئیے جاتے ہیں زیرلب تبسم  کو
سمجھ پاۓ نہ اب  تک  لوگ اس خاموش قلزم کو

بڑا  دھوکہ دیا ہم کو ہماری خوش خیالی نے
نہ جانے کیا سمجھ بیٹھے نگاہوں کے تصادم کو

محبت میں خطائیں ایک جانب سے نہیں ہوتیں
نہ تم الزام دو ہمکو ، نہ ہم الزام دیں تم کو

زباں خاموش ،ماتھے پر شکن ، آنکھوں میں افسانے
کوئی سمجھاۓ کیا کہتے ہیں اس طرز تکّلم کو

تمھیں ناراض ہونے کا سلیقہ بھی نہیں آتا
شکن ماتھے پی ڈالو ،اور روکو اس تبسم کو

زمانہ ہو گیا اقبال ہم اک ساتھ رہتے ہیں
تعجب ہے سمجھ پاے نہ تم ہمکو ، نہ ہم تم کو
------------------------------
مرسلہ ----سعود صدیقی

Comments

Popular posts from this blog

Tum Kon Piya Dialogues & Drama Pics

Tum Kon Piya Episode Dialogues & Drama Pics